నీవేనా...
నిశబ్దపు ఆవలి ఒడ్డు నుంచి నన్ను కలవరించినది
నీవేనా...
ఒంటరితనపు అవతలి వైపు నుంచి నన్ను పలకరించినది
ఇప్పుడు
నేనేం అర్ధం చేసుకోను!!!
ఈ నిశ్శబ్దాన్నా లేక నీ శబ్దాన్నా???
నేనెలా బ్రతకను!!!
ఆ ఏకాంతంలోనా లేక నీ కాంతగానా???
అయినా నా పిచ్చి గాని
కలల్లో కూడా ఈ కలవరపాటు ఎమిటో!!!

కళ్లలో పుట్టి కన్నీటితో జారిపోయేది కాదు ప్రేమంటే
మనసులో పుట్టి మరణించే వరకూ వెంటాడేది ప్రేమంటే

అమ్మ పిచ్చిది
చందమామ రాదని తెలిసినా పిలుస్తునే ఉంటుంది
అమ్మ వెర్రిది
నాకు మాటలు రావని తెలిసి తానూ నాలాగే మాట్లాడుతుంది
అమ్మ మూర్ఖురాలు
ఎప్పుడూ నా విషయం లో నాన్నతో వాదిస్తుంటుంది
అమ్మ కోపిస్టిది
నన్ను ఎవరన్నా ఎమన్నా అంటే వాళన్ని తిడుతుంది
అమ్మ చెవిటిది
నేను ఎన్నిసార్లు కసురుకున్నా వినిపించదు
అమ్మ స్వార్ధపరురాలు
ఎంత సేపూ పిల్లలు బాగుండాలి అనే కోరుకుంటుంది

Note: ఇన్ని చెడు లక్షణాలు ఉన్న అమ్మను నేను ఎలా పొగడను! అయినా అమ్మకు పిల్లలు చెప్పింది వినడం కన్నా పిల్లలు గురించి చెప్పింది వినడమే ఇష్టం! అందుకే నేను నిన్ను పొగడను!!! నన్ను క్షమించు అమ్మ!!!

సరోగసీ నిర్మూలన 

ఆకలి కడుపుకు
ఆశగా రూపాయి రుచిని చూపించి

అద్దెకు గర్భమని
అభాగ్యులకు వరమని నమ్మించి

అంగడి సరుకులాగా
అమ్మతనాన్ని అమ్మించి

ఆర్ధికంగా అంచెలంచెలుగా పైకి ఎగబాకిన దళ్ళారులారా మేలుకోండి ఇకనయినా
అమ్మంటే అమృత కలశమని తెలుసుకోండి ఎప్పుటికయినా

కొన్ని క్షణాలే 

నేను నిన్ను చూసింది కొన్ని క్షణాలే 

కోపాన్ని, కొంత మొహాన్ని 

మౌనాన్ని, మాటల ప్రవాహాన్ని 

ప్రేమని, పరిహసించే హాస్యాన్ని

నేను నీ కళ్ళ లో చూసింది కొన్ని క్షణాలే 

మరి 

దేనికోసం ఈ శోధన... 

దేనికోసం ఈ వేదన... 

కత్తుల్లాంటి ఆ కళ్ళ కోసమా???

మురిపించే నీ మాట కోసమా!!!

ఎదలయల శృతుల్లో అపశృతులు దొర్లుతుంటే
తారా స్థాయిలో వేదన వినిపించాలి అని ఉన్నా
మనస్సు సవరించి
ఆనంద రాగం ఆలపించే ప్రయత్నం చేస్తున్నా
తెగిపడిన తీగలని సరిచేసుకుంటూ
మరచిపోయిన స్వస్థానాన్ని గుర్తు చేసుకుంటూ
అలనాటి ఆనందపు గమకాల్ని నెమరేసుకుంటూ
మౌన రాగం మీటుతున్నా!!!

వనితను నేను
వేధింపులకు విడిదిని కాను
విద్య నేర్చిన వినయాన్ని
ఆడదాన్ని నేను
అంగడి సరుకును కాను
అమ్మతనపు ఆత్మీయతను
పడతిని నేను
పడటింట బొమ్మను కాను
ఇంతిని నేను
ఇంటి పనిమనిషిని కాను
ఈ దేశపు గౌరవాన్ని
రాముడి వెంట సీతను నేను
కృష్ణుడి వేబ్త సత్యను నేను
మౌనంగా భారించినా
ధైర్యంగా ఎదిరించినా
చల్లని చూపుల సిరి గల తల్లిని నేను
స్త్రీ శక్తి ని నేను!!!