మహా సుందర నగరాన్ని
సముద్రపు సవ్వళ్ళతో
పచ్చదనపు నవ్వులతో
పలకరించే నేస్తాన్ని
విశాఖను నేను
లక్షల జనానికి నివాసాన్ని
జ్ఞానదీప్తి ప్రకాశాలతో
ఎన్నెన్నో కొలువులతో
ఆదరించే అక్షయ పాత్రను
విశాఖను నేను
శాంతికి చిహ్నాన్ని
రంగు రంగుల చిలుకలతో
చిన్ని చిన్ని పిచ్చుకలతో
అల్లుకున్న పోదరింటిని
కానీ ఈనాడు హుద్ హుద్ తుఫాను
నా మెడను వంచేసింది
తలను దించేసింది
అయినా చెక్కుచెదరని ఆత్మ విశ్వాసంతో ఉన్నాను
నా బిడ్డలు దాన్ని ఓ గుణపాఠం గా తీసుకోని
నన్ను సక్రమంగా అభివృధి చేస్తారని!!!
